Të paktën katër persona u qëlluan për vdekje të martën në një sulm të dyshuar në qytetin qendror të Izraelit, Tel Aviv, njoftoi policia, duke shtuar se dy sulmuesit ishin “neutralizuar”.
“Katër civilë u vranë nga të shtënat e dy terroristëve. Gjithashtu, shtatë persona janë plagosur me shkallë të ndryshme lëndimesh, sipas burimeve mjekësore. Të dy terroristët janë neutralizuar në vendngjarje”, tha policia në një deklaratë.
Pamje televizive, të shpërndara në rrjete sociale, shfaqnin persona të armatosur duke dalë nga një stacion i trenit dhe duke hapur zjarr ndaj personave përreth.
Mediat izraelite raportuan se të paktën katër persona u plagosën rëndë. Shërbimi izraelit i ambulancës, MDA, tha se është njoftuar për persona të plagosur nga të shtënat.
Mjekët dhe paramedikët ofruan trajtim mjekësor në vendngjarje për disa persona të plagosur me lëndime të shkallëve të ndryshme, duke përfshirë disa që ishin pa vetëdije, tha MDA-ja./rel
Lexo edhe:
Komisioni Hetimor interviston zyrtarët e arsimit për subvenc...
Sot fillon xhiro e nëntë në Superligën e Kosovës – një takim...
Gjykata e posaçme dënon ish anëtarin e Kushtetueses Fatos Lu...
Horoskopi, çfarë parashikojnë yjet për ju
10 Vjet nga Procesi i Berlinit, sot diskutohet për arritjet ...
Joe Biden viziton sot Gjermaninë